必勝客 (Closed)

諗返起第一次接觸PIZZA，就梗係PIZZA HUT啦，仲記得細個果時，要測試默書成績好，爸爸媽媽先至會帶我黎呢到一次，以前呢到係有自助沙律巴架，不過自從餐廳裝修之後就無再提供啦，所以，呢間PIZZA HUT 真係帶俾我唔少童年回憶。今日係星期日，我地一家三口本身唔係太大食，又唔係好肚餓，所以決定叫個2人餐SHARE就算，剛巧我地又有張COUPON 送份雞翼，所以決定用埋佢。熱帶風情鬆厚批普通批有好多料，有雞肉啦，蘑菇同菠蘿，PIZZA夠厚身，批底同批邊都夠脆，PIZZA 整體黎講唔太HEAVY，味道又香，幾好。香辣雞翼外層烤得很香很脆,雞翼不但唔太油，而且仲有點乾身，加埋少少辣味又真係幾開胃。呢個小龍蝦白汁焗意粉，唔睇MENU都唔知佢果D汁叫做白汁，因為個汁一D都唔白，仲憬橙色添。除此之外我真係食唔到有白汁味，但好彩有龍蝦味。除左以上既食物之外個2人餐仲有2杯飲品同埋2個意大利雜菜湯加蒜茸包，我地呢個2人餐，用COUPON 免費加左份雞翼同埋減30蚊，再加埋會員優惠，3個人埋單都係170蚊，真係超值。