捌加廿陸天婦羅居酒屋

Open Now

Now Closed

喺棉登徑附近揾食，行行下見到另一個路口嘅盡頭，有間鋪頭有人龍，一個近期香港好少見嘅場景，間餐廳係“捌加廿陸天婦羅居酒屋”，抱住有咁多人排隊，一定好食嘅心態，排埋一份😂的確，排左大半個鐘係值嘅😍⭐️九肚魚天婦羅第一次見咁大條九肚魚，炸完依然係咁好食😋⭐️日本提子汽水感覺比芬達好飲，好似冇咁甜🤭⭐️蒲燒鰻魚丼鰻魚丼係男朋友食嘅，我就梗係要幫佢試下味la🤭鰻魚好厚肉，鰻魚汁嘅份量啱啱好⭐自選天婦羅定食配龍蝦味噌湯同前菜，我就加左好似8蚊轉左冷酢橘蕎麥麵自選嘅好處係，可以揀自己想食嘅野，我就揀左紫菜蝦膠、半熟蛋、鱸魚、希靈魚、蘆筍、日本蕃薯、大啡菇、蓮藕四季豆、粟米芯、四季豆、粟米芯龍蝦味噌湯好香龍蝦味😋至於自選天婦羅，真係樣樣都好食，因為我覺得好食嘅天婦羅要皮薄同炸得乾身，最鐘意半熟蛋同希靈魚，半熟蛋有驚喜，炸完仲係流心嫁😋至於希靈魚天婦羅同刺身嘅分別太大la，本身好鐘意食希靈魚刺身，食完希靈魚天婦羅之後，刺身真係冇得比，希靈魚天婦羅食落係好juicy嘅😋