Video
Read full review
2022-07-11
830 views
作為大西北人，港島真係好少去。去開北角跳彈床，由於有少少趕時間，只好喺做運動前求其搵間餐廳醫肚。一上openrice就見到呢間上榜，仲要有幾年米芝蓮認證，就決定試試佢。 要曬佢嘅招牌，肉骨茶有分新加坡同馬來西亞，今次叫咗新加坡($85)即係招牌嘅。飲落胡椒味都幾香，肉嘅份量算多，食落都嫩滑。碗飯幾大碗，食完真係會飽曬。不過老實說胡椒肉骨茶食唔出佢嘅獨特之處，味道同自己買肉骨茶包自己煮感覺上差唔多，可能藥材味嘅會特別啲啩。古滑雞飯($53)雞係雞扒，食落肉質鞋同埋雞嘅雪藏味未去。滑係靠雞皮嘅滑同埋佢本身嘅汁，佢嘅汁都比較普通，食落真係好家常，算唔上令人印象深刻嘅海南雞飯，油飯都偏淡味。整體嚟講有啲失望。 加錢要左三色奶茶，其實即係未攪勻嘅奶茶，影相打卡就記得意，但攪勻之後都係變返一杯正常嘅凍奶茶，茶底都ok但似港式奶茶。 另外要咗個椰汁仙草，聲稱係手工仙草，食落仙草味係濃啲嘅，冇咩特别。 食物水準似家常菜，價錢都唔算好平民，如果唔係見佢評價咁高抱大期望，可能都冇咁失望。另外，去到其實已經兩點零，店舖都唔多客人，唔明點解兩人唔可以坐張大枱，要坐張二人枱就有啲逼。
要曬佢嘅招牌，肉骨茶有分新加坡同馬來西亞，今次叫咗新加坡($85)即係招牌嘅。飲落胡椒味都幾香，肉嘅份量算多，食落都嫩滑。碗飯幾大碗，食完真係會飽曬。不過老實說胡椒肉骨茶食唔出佢嘅獨特之處，味道同自己買肉骨茶包自己煮感覺上差唔多，可能藥材味嘅會特別啲啩。
古滑雞飯($53)雞係雞扒，食落肉質鞋同埋雞嘅雪藏味未去。滑係靠雞皮嘅滑同埋佢本身嘅汁，佢嘅汁都比較普通，食落真係好家常，算唔上令人印象深刻嘅海南雞飯，油飯都偏淡味。整體嚟講有啲失望。
加錢要左三色奶茶，其實即係未攪勻嘅奶茶，影相打卡就記得意，但攪勻之後都係變返一杯正常嘅凍奶茶，茶底都ok但似港式奶茶。
另外要咗個椰汁仙草，聲稱係手工仙草，食落仙草味係濃啲嘅，冇咩特别。
食物水準似家常菜，價錢都唔算好平民，如果唔係見佢評價咁高抱大期望，可能都冇咁失望。
另外，去到其實已經兩點零，店舖都唔多客人，唔明點解兩人唔可以坐張大枱，要坐張二人枱就有啲逼。
Post
