潮膳 (Closed)

今日放工自己一個係灣仔四圍行，決定食埋晚飯先返去，行行下比我見到間食潮州野既餐廳，就食呢間啦！入到去發現餐廳新裝修，環境唔錯，店員服務都幾好！咁我就叫左個鵝片飯！鵝片有五大片，鵝全部去哂骨啖啖肉，肉質鮮嫩唔乾身，食到好有鵝既香味！呢個鵝肉跟左個白醋，白醋既酸味更帶到鵝肉既美味！我仲叫左個椒鹽九肚魚，炸到外層好有鑊氣，脆卜卜，粉漿唔會過厚岩岩好！仲叫左個豉油王煎大花蝦，大花蝦非常大隻，蝦肉入哂豉油味 爽口彈牙！