奇華餅家 (朗豪坊)

Open Now

Now Closed

長假期，又有優惠券就快到期，去奇華買定啲乾糧。估唔到原來好多人同我一樣，都買勁多餅。店鋪燈光光猛，貨品擺放都算整齊。店員笑容可嘉，即使用優惠券買野都對客人態度親切，十分抵讚!紅豆綠茶卷綠茶味好香，而且紅豆唔會太甜，個味道平衡到。黑芝麻竹炭瑞士卷黑芝麻味道濃，蛋糕唔會太乾。紅豆蛋白卷蛋糕軟熟，不太有紅豆味。冬蓉老婆餅超好食，唔會一咬開就跌哂啲餅碎，冬蓉唔會太甜，又有煙韌感。黑糖馬仔味道唔會太甜，唔會一咬就散開。都幾抵，幾十蚊買到咁多野。點知未到假期，差唔多食曬。