廿一前 (Closed)

荃灣開咗間新嘅火鍋店幾多人去捧場👨‍👩‍👧‍👦，我都唔執輸。嗰度可以揀一人一鍋或者兩人一大鍋，個鍋仲可以揀鴛鴦鍋🍲。本來想叫個櫻花龍蝦湯不過冇晒就叫咗相撲鍋同養生花膠雞湯。有雞、花膠、遜蔥、豆腐、冬菇、蕃茄、小棠菜，十分豐富。相撲鍋有旺菜、芋絲、杏鮑菇、珍珠荀、青口、墨魚仔、豆腐、豬、雞、芫荽，相當足料。選擇非常多可以任叫刺身、串燒、炸物、炸串、天婦羅，我哋每項都叫咗少少嚟食，各方面都唔差，幾樣都鍾意食😋。出邊亦有打邊爐嘅配料、蔬果、嘢飲，種類好多，肥牛同海鮮都冇得輸。有驚喜係佢嘅甜品呢啲配角都一樣好食，由其佢有個朱古力蛋糕同兩款雪糕，好彩搵咗個好食得嘅朋友🐷，兩個人食盡嗰度嘅美食，夠晒盡興💦。食咁多嘢又有質素都係每人$198，絕對超值🙆‍♂️，唔講咁多，大家去體驗下就知。不過嗰度有啲凍，尤其是如果對住風位要小心🥶。