意八餐廳 (Closed)

喺附近活動開，冇乜嘢餐廳可以選擇，所以去咗呢一間。見佢個鐵板餐只需要$78，以往食過質素雖然有浮動，不過比起大部份嘅餐廳都算平，又算不錯，所以就叫咗鐵板餐喇！以前食嘅時候，塊牛扒一般都係比較厚，不過幾個月前食嗰次，就薄左好多，感覺唔抵食，但係今次呢黎又想試吓，咁就叫左呢個餐扒。牛扒幾，厚身而且個鐵板都好熱，好多醬汁，牛扒仍然有一啲嘅血水滲出，對於我呢一種喜歡比較生嘅牛肉嘅人來講，覺得幾好味，可以接受。怕生的，可能要先同侍應講了。薯角脆脆地，另外會有一隻煎既太陽蛋，跟住啲飯配左黑椒汁，好好食。仲有啲配菜，包括：翠玉瓜、南瓜，同埋紫椰菜。如果個餐可以包一杯普通嘅飲品，就更加圓滿喇。