燒烤堂 (Moved) New Location

差唔多每星期都在旺角做瑜伽, 順便接男人收工搵食, 早前同事話有間串燒喺旺角好抵食, 好彩我地一早book咗枱, 坐低一陣已經全部枱滿哂。望望餐牌有好多選擇, 真係會眼花撩亂😂 有無激素雞, 泰式, 麻辣, 海鮮, 韓式, 連甜品類串燒都有, 我地都點咗唔少💕 🔸西班牙黑毛豬🔸肉質厚嫩, 味道濃, 一食就知係高級豬。🔸虎皮尖椒🔸惹味夠辣, 鍾意食辣一定要試下。🔸蒜蓉茄子🔸情意結每次食串燒都好想食厚條茄子, 大量蒜蓉, 燒得剛好, 茄子可以連皮食, 正。🔸汁燒魷魚鬚🔸照燒汁啱哂魷魚鬚, 燒得剛好仲係好彈牙又唔韌。🔸牛油蒜蓉焗雜菇🔸雜菇已焗得夠淋, 蒜蓉份量足, 好味。🔸惹味手切雞腎🔸雞腎最怕係難咬勁韌, 好彩唔會韌之餘, 仲大大粒又夠惹味。🔸鹽燒牛舌🔸雖然揀咗薄切都唔算好薄, 一樣咁有口感, 燒到黃金色少少脆邊非常好。🔸惹味咸蛋黃豬大腸🔸邪惡之作, 但係食完一嚿又一嚿, 超好味, 第一次食估唔到鹹蛋黃同豬大腸可以咁夾, 推介。🔸鹽燒鯖魚🔸近來好鍾意食鯖魚, 唔算好多骨, 燒起黎好香, 又多肉。🔸鰻魚炒飯🔸男人話要有飯落肚, 鰻魚炒飯係我至愛, 炒得都幾好, 唔會太濕太乾, 都幾多鰻魚添,