越萊 (福榮街)

Open Now

Now Closed

尋晚同朋友去西九龍中心買完野之後，就搵地方食晚飯。 兩個女仔都係比較鍾意食粉麵，見我哋一致想食越南河粉，於是我印象中記得福榮街有一間，果然冇錯就係「 越萊 」。 早兩個月食過佐敦嘅分店印象好好，所以二話不說就拉咗朋友入去一齊食。呢度有全日供應嘅河粉套餐，最平一餸 $46就有交易，而且仲會熱金橘蜜一杯，真係啱晒我哋兩個女仔。朋友叫咗兩餸嘅🔑《 扎肉雞絲檬粉 $50 》而我就叫咗三餸嘅 《豬軟骨、牛筋、蘿蔔檬粉 $56 》。 夠晒大碗，而且湯底仲可以揀牛骨湯，味道好清香又唔油，豬軟骨真係好夠腍，入口骨膠原滿滿；牛筋就連左一啲腩肉，入味有口感；蘿蔔都清甜，雖然有少少渣。然後帶出兩份小食，小食都可以揀份量，都幾好，兩個女仔就可以揀最細分嘅～ 《 越式春卷 $26/2件 》 配埋酸甜醬好惹味又香脆。《 越式雞翼 $26/3隻 》出邊應該用牛油炸，有卜卜脆嘅外層，而雞翼都多肉，雖然唔算嫩。呢間幾抵食下次可以再食。