最想吃 (Closed)

今年打邊爐嘅次數少咗好多 主要都係因為疫情影響 好多人擔心一齊烚吓烚吓唔安全 加上又有限聚令🤷🏻‍♀️今次同朋友嚟咗灣仔呢間以一人一鍋為主嘅新餐廳 仲係放題嚟tim🥢Lunch time火鍋放題由$148-$268一位 睇你想食咩牛啦 我哋餓咗咁耐當然揀最正嘅澳洲M6和牛🐂而湯底就有五款選擇◽美顏花膠鍋◾北海道牛乳鍋兩款唔同口味唔同感覺 花膠鍋入邊除咗花膠 仲加咗杞子 飲落比較清甜 而牛乳鍋好重牛奶味 香濃而不膩🐮澳洲M6和牛套餐澳洲M6和牛/頂級黑牛肩脊/特級雪花牛板腱/極上安格斯牛小排/日本黑豚腩肉/日本豚肉一坐低order完湯底 會首先送上以上嘅肉肉各一盤 而且每一盤都有註明係邊一款 方便大家要encore時知道要叫乜 而我同朋友大推澳洲M6和牛/特級雪花牛板腱同埋日本黑豚腩肉 肉味都比較濃郁 而且肉質好嫩🤤當然除咗肉之外 都有提供蔬菜同丸類等等配料 仲有湯/烏冬/飯/飲品… 全部都係無限refill😌最後食到飽飽 差不多要走嘅時候 店員過嚟問我哋做咩唔食埋韓國雪條 喺佢嘅熱情介紹下 我哋就忍唔住試咗最新嘅咖啡朱古力味 呢個品牌之前都係食生果味嘅多 估唔到呢隻新口味都好正 朱古力部