小王牛肉麵

Open Now

Now Closed

平常去小王都係叫牛肉麵或豬手飯食，宜家原來有套餐可以點，就點一個一人套餐同一碗台式滷肉滷蛋拌麵試下。一人套餐$98- $98好抵食，有一款涼菜、一碗湯羹、一款小菜、一碗白飯、一份甜品。我地叫肉鬆皮蛋豆腐、鮮蚵仔湯、A菜滷肉煲、焦糖雞蛋奶蓋布丁。肉鬆好多，多到成塼豆腐都睇唔到，醬汁鹹鹹酸酸幾開胃，整體三樣食物都好夾。蚵仔湯飲到一半先記得要影相，蚵仔份量不少同埋唔腥，仲有好多菜同豆腐粒，夠健康。滷肉煲賣相吸引，滷肉相當入味，煲入面仲有花枝丸，好彈牙，不過主角都係滷肉同菜。成個套餐最畫龍點睛係甜品！奶蓋鹹香嘅奶味加埋焦糖口味簡直一流，布丁食落好滑，如果奶蓋再厚多啲就好喇，我最推介呢個甜品！台式滷肉滷蛋拌麵$51- 我揀左要幼麵，酸菜同高麗菜。滷肉肥瘦適中，不過醬汁偏鹹重口味，食完要飲返多啲水先可以解渴。