茶茶台式料理 (Closed)

今日想搵間坐得舒服的地方同朋友聚一聚，見呢間裝修唔錯座位闊落，就入去試下🤭· 招牌臭臭鍋佢寫係一人鍋，我地就叫左呢個鍋加啲餸一齊食，本身可搭一款肉，我地揀左牛肉，另外再點多一客雞肉。一黎到就聞到陣‘臭’味😆我覺得似臭豆腐味，啲豆腐望落白雪雪，食落去有陣臭豆腐味😆，好頂癮，湯底好濃所以冇其他調味料都一樣有味。湯底好啱口味所以食食下就加點多一客粉絲，粉絲好快入哂味真係正🤤啲雞好滑肉都多，一人鍋加2樣野就夠餵飽2個人，抵食👍🏻 我諗呢個一人鍋我會番轉頭食😆· 小香腸拼鹽酥雞粒香腸同鹽酥雞粒都好脆口，好食既，但我覺得呢個價錢($48)份量可以比多啲😅