翁記上海館 (Closed)

星期六去了朋友屋企，佢帶了我去附近這間食上海菜的餐廳。午市除了有套餐外還有多款上海小食及前菜，價錢就比外面的大型上海菜館平一大截，而且味道都不錯。食上海菜必點小籠包，這裏的小籠包皮不算太薄，但勝在不易夾穿而且裏面湯汁豐富。大熱天時最鍾意食拍青瓜，冰涼又清爽而且還帶點辣味，令人覺得很開胃。另一小食花鵰醉雞亦是我至愛，但這個醉雞酒味很淡，似乎是未浸得夠時間，勝在雞肉嫩滑。最後叫了三鮮炒拉麵，炒麵望落去一點都不油膩，有蝦仁、雞肉、火腿及芽菜做配料，拉麵炒得很爽口，完全唔糊，最重要係無油淋淋，非常健康。豆漿20亦都要必讚，豆味濃郁，似係用腐皮煲開，而且唔會太甜。