太元樓

Open Now

Now Closed

朋友介紹話鰂魚涌有一間好好食嘅上海菜，於是我哋就黎到太元樓。一入到店舖覺得好光猛，感覺好乾淨，室內嘅裝修主要係白色同埋一啲中式嘅裝飾。坐低落嚟我哋叫咗個妙齡乳鴿，$28相當抵食，而且都烤得香噴噴，正跟住叫咗個招牌松子魚，呢個簡直係必食之選，炸得啱啱好，而且亦都冇咩骨，配上酸甜嘅醬料，食飯一流。另外就一定係鍋塌豆腐，豆腐好嫩滑，回鍋肉炒年糕都好出色，醬料平均地炒勻，每塊年糕都好彈牙而且埋單加埋都好似只係四百幾蚊，就食到如此高質嘅料理，抵呀！