江浙滬 (堪富利士道) (Closed)

江浙滬係一間黃色上海菜館，雖然我平時食嘢都唔會理顏色，不過見好耐冇食上海菜就黎試。江浙滬走新派中國風，灰色磚牆配木枱凳，好似返左古代咁。餐牌一頁兩面睇晒，圖文並茂，大部份都係幾十蚊有交易，茗茶$6/位，價錢公道。有機凍豆漿($15)豆漿豆味幾濃，唔會太甜，唔錯。雞絲粉皮($48)雞絲粉皮雞絲量正常，麻醬夠香，不過粉皮就略嫌大塊左少少，如果細塊啲同薄啲更好。川味泡菜蝦仁炒飯($78)炒飯比想像中大碟，夠三四個人食，炒飯唔會太油，有泡菜微辣味，幾惹味。酒釀小丸子($32)酒釀小丸子幾香杜花味，唔會太，小丸子口感軟糯，味道唔錯。總結，食物唔錯，份量亦足，價錢公道，都幾抵食。