Video
Read full review
2023-06-30
505 views
2023年6月14日 星期三今晚放工之後就去左沙田等老婆收工，最後去咗禾輋商場搵野食，見到呢間上海菜餐廳好似唔錯就入咗去試下好彩入座既時間都唔算太多人，唔使等位就可以入得，餐牌上面都幾多食物選擇，除咗上海菜之外，普通中菜都有提供，價錢都唔算太貴，最後我哋要左個前菜自選組合，幾個點心同一個麵再加飲品等左大約10分鐘左右，前菜組合就黎到，分別有麻醬腐皮卷、蒜泥白肉、雞絲水晶粉皮同自家製千層水晶肉，腐皮卷同粉皮食落去每一啖都充滿麻醬既味道，令鐘意麻醬既老婆感到好滿足，而蒜泥白肉就勁多蒜蓉，唔會太辣但味道好足夠，至於水晶肉真係做到一層層唔會一夾就斷開，能夠食到肉既鹹香之後有迷你胡椒餅，內外都撒上左唔少黑胡椒，所以胡椒味幾重，不過唔會好辣，非嘗辣既老婆都食得到，而且一咬落去裡面既肉汁即時流晒出嚟，算多料之餘外皮又煎得夠香呢個係鮮蝦韮菜鍋貼，真係做到皮薄餡靚，外皮煎到脆卜卜，一咬落去裡面就有肉汁流出嚟，點埋醬汁一齊食更加滋味再黎有牛肉湯麵，用咗比較幼既麵條，幾滑溜，而且彈牙，牛肉切得厚身，不過煮到好腍，所以唔難咬開，牛肉味幾香濃，又唔會有好多筋，如果麵嘅份量多返少少就會更加好老婆要嘅飲品係芒之戀人
今晚放工之後就去左沙田等老婆收工，最後去咗禾輋商場搵野食，見到呢間上海菜餐廳好似唔錯就入咗去試下
好彩入座既時間都唔算太多人，唔使等位就可以入得，餐牌上面都幾多食物選擇，除咗上海菜之外，普通中菜都有提供，價錢都唔算太貴，最後我哋要左個前菜自選組合，幾個點心同一個麵再加飲品
等左大約10分鐘左右，前菜組合就黎到，分別有麻醬腐皮卷、蒜泥白肉、雞絲水晶粉皮同自家製千層水晶肉，腐皮卷同粉皮食落去每一啖都充滿麻醬既味道，令鐘意麻醬既老婆感到好滿足，而蒜泥白肉就勁多蒜蓉，唔會太辣但味道好足夠，至於水晶肉真係做到一層層唔會一夾就斷開，能夠食到肉既鹹香
之後有迷你胡椒餅，內外都撒上左唔少黑胡椒，所以胡椒味幾重，不過唔會好辣，非嘗辣既老婆都食得到，而且一咬落去裡面既肉汁即時流晒出嚟，算多料之餘外皮又煎得夠香
呢個係鮮蝦韮菜鍋貼，真係做到皮薄餡靚，外皮煎到脆卜卜，一咬落去裡面就有肉汁流出嚟，點埋醬汁一齊食更加滋味
再黎有牛肉湯麵，用咗比較幼既麵條，幾滑溜，而且彈牙，牛肉切得厚身，不過煮到好腍，所以唔難咬開，牛肉味幾香濃，又唔會有好多筋，如果麵嘅份量多返少少就會更加好
老婆要嘅飲品係芒之戀人，杯嘅外型好似一個菠蘿咁幾特別，飲品上面仲有芒果雪糕同忌廉，飲落去芒果味好重，唔會太甜，仲夠晒冰凍添，好清涼
最後甜品方面有雷沙湯丸，每一粒都整到熱辣辣，裡面既芝麻醬好似流心咁爆晒出嚟，外表完全睇唔出
食左咁多野每人$200都唔洗，性價比幾高！！
Post
