老上海麵館

Open Now

Now Closed

咁啱來到大窩口呢頭，捻唔到食咩就惟有周圍行下。行下行下見到有間上海麵館，價格睇落都公道，於是入去坐低食晚餐。店舖唔算大，位置大概有10幾個，顧客大多都係街坊。入到去落單大概過咗5分鐘唔夠已經有得食，上菜速度超快。目測店舖由一對年紀約60歲嘅夫婦經營，老闆娘負責樓面，老闆負責廚房。老闆娘非常有禮貌，服務體驗良好。食食下加多咗6蚊叫咗杯豆漿，都幾好飲，豆味算濃，唔算太甜。可惜因為條例關係，堂食叫唔到一樽。下次做回頭客果陣，應該會外賣多樽走～一個字，抵！