嚐越 (Closed)

經常逛德福廣場shopping，最近才發現有間嚐越越南餐廳逢（一至日）下午茶好抵食，食物質素有水準。店舖位於廣埸第二期近扶手電梯附近。入到店內落完order後正等待期間，見天花掛著用麻繩物料設計成唔同形狀的吊燈，很特別的設計，燈光效果充足。下午茶餐有9款菜式，另可加優惠價錢有多一款小食。叫咗C餐係鮮黃牛脊湯河，呢個部位肉味較濃，且有油脂香味。用優惠價加咗個檸汁鳯爪，質感腍而爽，醃得夠入味。三越有（春卷、粉皮同蔗蝦）每款各兩件，可以一次過試曬三種口味，蝦肉夠彈牙同鮮味;我連蔗棒汁都𡁻到亁。綱絲蝦卷蘸埋酸甜醬更加滋味，又給我帶嚟多一款驚喜菜式。下次去德福廣shopping ，一定又會再嚟食過番尋味。