小豆島日本料理 (Closed)

朋友知我鐘意日本菜，介紹我黎上水區呢間區內不錯口碑嘅餐廳一試下午茶時間～就嗌左中華胡麻醬冷拉面，凍凍地岩哂夏天食～ 附餐附送加州卷兩件，同追加十蚊三件三文魚刺身中華胡麻醬冷拉面，拉面雪到凍凍地，面身彈牙，胡麻醬好香，唔會過多而感覺太膩，食落感覺清爽，同配菜幾多，有菜，粟米，玉子，少許嘅肉同蟹棒，食落感覺有菜嘅清新，又有少許肉味，令人回味十足加州卷都算大舊，略厭蟹籽太少，令壽司表面口感減卻，材料都足，隨餐附送都幾抵～追加嘅三文魚係抵讚之處，三文魚厚切大塊，刺身夠肥，魚脂分布均勻，新鮮度足，令人更想食多幾件，十蚊三塊算係好抵啦！成個下午茶跟餐飲39蚊，唔加一，算幾平餐廳幾乾淨，有望下次再黎食