北越牛肉粉專門店 (Closed)

星期一因為工作關係，遲咗食午餐，於是就搵下午茶食，行咗成個翔龍灣，啲下午茶都好似唔係好平，連茶餐廳都係貴價版，呢間越南菜下午茶都只係30幾蚊，於是就入去食。一入到去，個感覺比我覺得地方都坐得幾舒服，幾乾淨，而且餐廳有悉心佈置過，有啲畫架同埋越南裝飾，睇落都幾舒服。再睇下個餐牌，下午茶都好似幾多選擇，而且全部都係三十幾蚊，今時今日嘅香港呢個價錢真係算係咁。自己一個人食，只係叫咗一碗生牛肉河粉，送一杯熱飲，落單我諗幾分鐘左右，好快就有得食。份量都算正常唔會得好少，有齊晒生牛肉河應有嘅配料，個湯底都幾甜幾濃郁，牛肉都好嫩滑，我覺得幾好食同夠飽肚，如果下次多幾個人，我都想試吓佢啲小食同埋其他嘢食。