一粥麵 (都會駅)

Open Now

Now Closed

今日老公放假，我地就輕輕鬆鬆在家Hea；等下午茶時間再落街食野。其實樓下真係冇乜好食，我地都行左成個圈，都唔知食乜好。最後就去左一粥麵睇下啦。炒麵雞翼，見佢係今日推介特價，只要18蚊姐，真係抵食。炒麵我覺得一般，我加左好多甜醬去食；如果唔係都冇乜味咁。但係雞翼好好味喎，如果下次再去一粥麵，可以叫多幾隻雞翼呢。蜜糖同芝麻好味我就同老公講完要炒麵雞翼後，就行去搵位先。講真，下午茶時間其實唔多人；但張張4人枱都坐左1個人，有D得杯水係枱面，真係唔知佢地坐左幾耐囉。最後行到去店盡頭對住大馬路果邊個門口先有位。老公重問我做乜坐咁遠唔著搭枱丫嘛！老公點既糯米雞同粥，食前重話早知唔黎一粥麵，D野唔夠飽，食完佢咪係咁叫好飽今日個下午茶好抵；Total只係50幾蚊，主因都係炒麵雞翼平囉。不過其實炒麵雞翼真係下午茶重要係份量少的，如果係男仔或大食少少既女仕，就真係唔會飽囉。