I Café

Open Now

Now Closed

公司旺季時間，每日的午餐時間都慢慢變了下午茶，對同事來說可以慳錢，下午茶價錢食到午餐。今日同同事去了半島中心的I Cafe食下午茶。下午茶全部都由廿幾三十蚊起，幾抵食。特濃芝士鮮茄焗豬扒意粉份量適中，表面有舖上了芝士及茄醬，豬扒以經切成小件，方便食用，番茄味濃郁，豬扒肉厚且腍，沒有加鬆肉粉，不過意粉就比較腍。特色公司三文治配薯條超級大份，三文法表面烘過，所以比較脆，中間夾著火腿、番茄、雞扒、炒蛋及生菜等，十分豐富，薯條是我最喜歡的粗薯，炸得香脆但不油膩。最後還有餐飲送，$100都唔使就可以食到咁豐富又飽肚的下午茶，確實物超所值。