上海婆婆 (Closed)

去開荃灣做嘢，行到去地鐵站附近既綠楊坊搵食，見到上海婆婆有下午茶，仲要寫明免茶芥免加一，一於入去開餐先🥢下午茶逢星期一至五2:00-4:00pm提供(星期六日除外)，有炒粉麵套餐及麵點套餐，送鮮豆漿一杯。免茶錢，有熱茶供應☕️肉絲炒幼麵$42味道正常，類似的上海粗炒，只不過將粗麵換咗幼麵，有肉絲，菇，芽菜，蔥等。份量也夠食，環境也舒適，不用搭枱，而且不用加一及茶錢，算抵食。豆漿都夠滑同大杯，不會過甜。