古早味台灣原味 (Closed)

銅鑼灣下午茶有好多又平又正嘅選擇，朋友提過話呢間野近地鐵，一出地鐵站對面就係，加上大件夾抵食，所以今日下午係銅鑼灣行完街就來食返個台灣下午茶，個茶餐真係幾抵食。幾大份，食完飽到連晚餐都唔洗點食，好推薦嘅一間餐廳！一入門口個設計好特別，有條石卵路同黑色嘅柱，有D似日本餐廳嘅感覺，成個環境坐落都好舒服！下午茶精選套餐，一個主食再加小食同野飲都係$50左右，好抵，而且選擇好豐富，麵、飯都有，連飲品都好多選擇！主食-大雞扒滷肉飯雖然係平價嘅下午茶餐，但呢個細size嘅飯份量都好多，好足料，仲配埋個湯！雞扒幾大塊，炸得金黃香脆，炸粉不多，肉質嫩滑，而且雞扒非常入味！至於D滷肉都肥瘦均勻，伴飯食一d都唔膩！小食-炸花枝丸花枝丸有四粒，每粒都好大粒。咬落去好彈牙爽滑，好食！台灣珍珠奶茶呢度奶茶比較特別，係飲品店咁嘅包裝，堂食時候就算趕時間要走都可以拎埋走一路繼續飲。奶茶奶味頗重，口感順滑，珍珠都幾彈牙，非常不錯！