吉野家 (Closed)

上星期六同兩位朋友去迪卡龍買游水裝備，買完就揾個地方坐下食下野，二話不說就去左吉野家。平時都係食開吉野打邊爐或者牛肉飯，今次朋友話新出左個下午茶餐，有個牛肉飯、氣水，仲有一件綠茶券，原來都只係$20。咁抵？！點都試下啦結果我地三個都叫左呢個餐，好冇創意呀，哈哈哈！！！我就加$3 轉凍檸茶，牛肉飯係迷你版，一如以往既好味道。呢個餐其中一個亮點應該係件綠茶卷，試一啖，嗯，係正常既，如果多少少cream就更好！不過$20仲想有咩要求？性價比算好高啦！