Marco's Oyster Bar & Grill (荃新天地) (Moved) New Location

今日知道荃灣間英皇戲院新開左，所以特登同女朋友一齊去睇戲，買咗五點幾嘅戲票，3:00就到咗荃新天地啦，見冇嘢做就想食吓下午茶，講真荃新天地2期真係冇乜嘢食，見到門口有間西式餐廳，咁我見到門口有下午茶都好抵食咁，咁我地就入去坐低，大約三點幾左右，鋪頭比較靜只有兩至三台客，首先睇睇餐牌先，我就叫咗個煙三文魚天使麵，我女朋友就叫咗個海鮮墨魚汁意粉，加多隻$10生蠔，首先講咗個煙三文魚天使麵，天使麵都好彈牙，三文魚正，芝士味都重，至於個墨魚海鮮意粉，就一般，但以咁嘅價錢都幾多海鮮勉強可以啦，驚喜嘅就係個生蠔$10，都好有鮮味。總結來講就正下次再試，聽人講好似夜晚有人唱歌嘅。