九井壽司 (Closed)

好耐冇食日本野，想起之前食過嘅 #九井壽司，剛好下午茶時間，就去食啦。下午茶有多款選擇，包括丼飯、拉麵🍜同定食，跟之前一樣，係平板自助落單，由 #新幹線列車 🚄 送來，有特色之餘仲可以減少同人接觸。我點咗 #三文魚海膽丼 定食，包埋沙律同味噌湯。大海膽食落好有口感，味道鮮甜😋，三文魚都有5大塊，魚味甘香。雖然細細碗，但分量好足夠。再加了黑松露劍魚腩 和 #象拔蚌壽司 🍣，2款都很鮮味，特別係 #黑松露劍魚腩壽司，黑松露香味令人回味。刺身食得多，原來 #炸物 都唔錯，#吉列南瓜薯餅 🎃 外脆內軟，裡面有香甜南瓜蓉，新鮮炸出來很好味👍下午茶價錢抵食，環境舒適，下次可以再來。