古早台居

Open Now

Now Closed

星期日airside 真係好多人，成個商場都係狗仔，非常熱鬧同埋舒服自在，朋友揸車帶埋佢對寶貝狗仔，行下公園先。公園地方好大不過就多工程做緊，都係入商場行下，見肚餓就去咗food court 揾嘢食，入到去都見好多狗仔，好鬼死熱鬧够晒氣氛，朋友叫咗個漢堡包套餐，啲肉好juicy,薯仔即炸，好味。我就去台灣嘢嗌咗個下午茶餐，台灣腸肉燥飯同杯台式奶茶，下午茶減價唔減量，大大碗肉燥飯，好够味，台灣腸係即炸嘅，熱辣辣好脆又多汁，好滿意👍。杯奶茶勁大杯，好重奶味，如果再多啲茶味就更加好，整體來講呢度啲嘢真係唔錯，加上休閑嘅環境，真係個週末好去處，交通都好便利，聽遲啲呢區仲會多兩三個商場喎！一定仲熱鬧好玩，可以多啲留港消費囉😉