Video
Read full review
2021-05-04
1408 views
記得以前同朋友去四川旅行，出返成都通常都會食串串火鍋，一來嗰度冇香港咁多唔同國家嘅菜式，二來串串就好似放題咁，乜都有，每一串都係細細舊，想食乜自己拎，唔怕話叫左一碟火鍋料冇其他人食。但喺香港雖然多火鍋店，但串串火鍋就唔多，約左當年嘅旅行腳飯聚，最好梗係黎返個串串火鍋懷勉下。Fun Fun串串鍋係一間串串火鍋店，黃金時段任飲任食兩個鐘$158/人，冇額外醬料費，加埋一都唔洗$180，價錢算平，火鍋料同野飲選擇唔算少，我覺得最大賣點係麵款好多，有成五六款揀，連韓國即食麵同營多都有。火鍋料大部份用竹簽串起，有肉有菜，除左自助區見倒嘅火鍋料，枱上面嘅點菜紙亦另外有十幾款火鍋料可以order。野飲方面，果汁涼茶汽水都有，連比較少見嘅沙士同台牌都有。鴻福堂涼茶有好隻味。甜品方面，除左雪糕雪條，哩度仲有豆腐花。雖然冇收醬汁費，但醬料選擇絕對唔馬虎。湯底有六款揀，有辣有唔辣，食串串一定要揀麻辣湯底，但為免太油，我地就加$25揀左鴛鴦湯底，另一邊揀左椰香海底椰雞鍋。麻辣湯底我地揀左中辣，辣得過癮，但麻味就唔算太重。而海底椰雞鍋就幾香椰子味。趁湯底未滾先每人拎罐野飲先。自助區嘅火鍋料每樣都拎左啲，肉都係比
記得以前同朋友去四川旅行，出返成都通常都會食串串火鍋，一來嗰度冇香港咁多唔同國家嘅菜式，二來串串就好似放題咁，乜都有，每一串都係細細舊，想食乜自己拎，唔怕話叫左一碟火鍋料冇其他人食。但喺香港雖然多火鍋店，但串串火鍋就唔多，約左當年嘅旅行腳飯聚，最好梗係黎返個串串火鍋懷勉下。
Fun Fun串串鍋係一間串串火鍋店，黃金時段任飲任食兩個鐘$158/人，冇額外醬料費，加埋一都唔洗$180，價錢算平，火鍋料同野飲選擇唔算少，我覺得最大賣點係麵款好多，有成五六款揀，連韓國即食麵同營多都有。
火鍋料大部份用竹簽串起，有肉有菜，除左自助區見倒嘅火鍋料，枱上面嘅點菜紙亦另外有十幾款火鍋料可以order。
野飲方面，果汁涼茶汽水都有，連比較少見嘅沙士同台牌都有。
鴻福堂涼茶有好隻味。甜品方面，除左雪糕雪條，哩度仲有豆腐花。
雖然冇收醬汁費，但醬料選擇絕對唔馬虎。
湯底有六款揀，有辣有唔辣，食串串一定要揀麻辣湯底，但為免太油，我地就加$25揀左鴛鴦湯底，另一邊揀左椰香海底椰雞鍋。麻辣湯底我地揀左中辣，辣得過癮，但麻味就唔算太重。而海底椰雞鍋就幾香椰子味。
招牌重慶麻辣湯金鍋拼椰香海底椰雞鍋
9 views
0 likes
0 comments
自助區嘅火鍋料每樣都拎左啲，肉都係比較細粒，一個人都要食幾串，不過用竹簽串住有度好，係就咁拎返枝竹簽上黎就食得，唔洗左撈右撈唔知啲食物浮左去邊。
蟹棒好大條，一條等於平時幾條，必食！
鵝腸雖然係急凍貨，不過唔會太多肥膏，都幾爽口。
鵝腸
5 views
0 likes
0 comments
之前提到，除左自助區之外，點菜紙都有火鍋料可以點，而點菜紙嘅火鍋料都比自助區高質少少，好似哩個串串芫荽牛絕對係必食，除左肉量比自助區嘅肉多啲有口感啲之外，芫荽味都好香，不過如果唔太食得辣，建議唔好放喺麻辣湯入面灼熟，寧願喺冇辣嘅湯底灼熟左先放喺麻辣湯底度過辣河，因為芫荽好吸辣味，長放麻辣湯會令到成串牛肉好辣。
串串芫荽牛
16 views
0 likes
0 comments
黑豚腩片
26 views
0 likes
0 comments
湯丸皮比較厚，不過芝麻餡都幾香，以任食黎講質素都可以接受。
湯丸
7 views
0 likes
0 comments
豆腐花
27 views
0 likes
0 comments
雪糕
28 views
0 likes
0 comments
總結，野食野飲雖然唔係咩貴價貨，但款式都幾多，質素亦可以接受，以哩個價錢性價比算高。麵款選擇都有五六款，其中以韓國麵最搶手，想食嘅最好一早拎定先，因為麵類都唔會再refill。另外因為平價場座位會迫少少，餐枱都比較細，放唔倒太多野，建議唔好一次過拎太多野食，食到咁上下先再拎。
Post
