Fun Fun 串串鍋 (Closed)

其待諗住開返堂食去食串串鍋點知上去價錢又貴又唔抵食😮‍💨而且仲要改埋名😐個價錢去食牛大人好過啦，質素點都會好過呢到又假日加收錢，又加一服務費，真係好唔抵食又唔係多野食，又無晒啲串串🫤本身黎都係為左食一串串，過下癮點知出面又無乜好嘢食揀仲有個湯底好鹹，已經唔係當初既串串火鍋而且食物質素都係麻麻地食一次就足夠，真係唔會再幫襯🫤本身想帶男朋友試下串串火鍋真係再無下次😒😒唔係之前既串串火鍋啦🙃

價錢都算可以接受，食物嘅種類都唔係話多，但調味料個個位好似冇啲太逼，好多調味料都灑左出黎，不過雪糕嘅味都幾特別，見到有大白兔糖味，係市面上都冇點見過，反而雪糕令人最滿意，其他一般，可以一試。

呢日黎到旺角呢間fun fun 串串鍋，一入到黎已經聞到好香既邊爐味！我地揀左要鴛鴦鍋，要左麻辣少少辣同埋胡椒豬肚雞鍋，估唔到佢個麻辣鍋咁勁，個麻辣鍋叫左少少辣都真係有D辣，但辣得黎好過癮，黎食呢D串串都真係一定要食辣鍋，唔食辣鍋真係唔得！另外，佢既胡椒豬肚雞鍋都真係夠哂胡椒味，勁辣口勁正！佢既醬係去出面調，但其實D鍋既味道都好夠，唔駛落醬都夠味，丸、蔬菜類既食物一早係出面既雪櫃等緊我地，一串串咁串好哂，食落勁方便，有D例如係牛同鴨血之類就自己填紙仔，填紙仔既食物都黎得好快，唔駛驚話食唔切，同埋都真係落幾多黎幾多～我最中意係鴨血加落麻辣鍋，而出面既食物有雞腎等等～食落味道好好！仲有好多飲品既選擇，好中意有無糖茶既選項，咁就唔驚飲完有氣既野會飽到食唔落野～最後仲有唔少既甜品可以揀，梗係食埋雪糕先走啦～大滿足！

旺角百寶利中心的串串鍋，湯底有麻辣、部隊鍋、胡椒魚肚湯、椰子雞湯，都唔使加錢，但普通的沙嗲湯底竟要加$18😢湯底唔算香濃，不太特別。店舖地方唔大，環境較暗。食物種類唔多，豬肉、牛肉都要寫紙order，連蘿蔔、薯仔片都係寫紙order。其他火鍋食材就要係出面揀，基本山根、丸類都有。飲品就有些失望，竟然最普通的可樂、雪碧係無😭打邊爐無可樂配真係爭啲！唯一可取竟係阿波羅雪糕，有朱古力、雲尼拿、芋頭，仲有其他雪條。價錢方面百多元，就真係幾抵！

抵食好食串串鍋🍲已經幫襯過好多次，今次係電話book枱，5大1細，老闆好細心會食之前幾個鐘打比你cmf booking ，咁就吾會吾記得去食啦👍🏻Book左星期五晚7:30食，去到即刻有位坐，老闆仲準備左間房比我地坐（唯一一間房），房可以坐到一圍既人數，但老闆都比我地坐，可能係見有小朋友啦，好好人呀，多謝老闆坐底我地叫左麻辣湯底&壽喜燒（+$18），4人以上可以叫2個湯底，想食鴛鴦鍋就再加錢。10-15分鐘左右2個鍋底都上左啦，滾就有d慢，都成10幾分鐘左右，望住個湯滾好肚餓🙈等緊滾既時間去左拎野食，好多野食都係自助式，有丸、菜、菇、一串串、粉麵、飲品、甜品雪糕⋯仲有d貴少少既野食就填紙仔比職員落單。有牛豬肉、沙白、魚皮餃、鴨血、萵筍、蘿蔔等。落單上菜既時時間都好快，5-10分鐘內，落左幾次單都無漏單，喱點要讚👍🏻因為通常出面任食式係愈出愈慢講下味道、食物質素啦：-湯底：味濃，吾會好hea溝好多水好淡咁，仲會愈滾愈咸，不過當晚既壽喜燒湯底就有少少出錯，個湯底係咸既，平時應該係甜先岩，同職員反映後發現原來係廚房姐姐倒少咗味醂🙈結果加返味醂比我地，湯底即刻甜返正常返。職員都有跟進味道方面，

黎到旺角呢間fun fun鍋， 真係非常少見嘅串串鍋， 好有麻辣重慶嘅風味， 叫咗個鴛鴦鍋， 一邊係麻辣， 另一邊係胡椒豬肚。 一邊呢就又麻又香， 另一邊廂又有黑椒嘅胡辣。 口味都幾獨特， 食得辣嘅朋友應該十分之鍾意， 平時打邊爐打得悶， 真係要嚟試下呢個串串鍋。飲品方面， 種類都幾多， 無糖同有糖飲品都齊曬， 食辣真係點少得飲品呢。有啲食物就自己出去拎， 食物全部都算好曬， 放咗喺雪櫃， 睇落乾淨又衛生， 而且自己拎又唔使等， 真係夠曬方便， 食物種類都幾多， 有本人最鍾意嘅鴨血， 蔬菜方面都有唔少選擇。調味方面， 除咗有一般嘅打邊爐調味配料指天椒炸蒜蒜之外， 仲有好少見嘅干碟配料， 干碟即係無水份既醬， 用來配串串鍋食就非常之夾。甜品方面有雪糕同埋雪條， 仲有豆腐花， 用嚟解辣就真係一流。

我平時好少寫食評，但今次真係不吐不快！今次同我朋友去左食晚市，價錢158加1後每位174，同樣價錢絕對有其他更好的選擇。今次同朋友一齊第一次光顧，上網見到d相一串串的火鍋好似幾特別就嚟左食，服務方面只值2分。野食方面非常之少選擇，而且衛生程度十分差，擺放野食的雪櫃有很多污垢同油跡，講真見到都無胃口。後來點咗個沙白更有好多沙，食材極度唔新鮮，今次係我同友人都感到非常不愉快的一餐，希望大家唔好以身試伏。

想去打邊爐，所以同屋企人去左旺角依間=)位於旺角既火鍋店。午市火鍋任食，價錢平均每人$100蚊都唔洗😋我地選擇左鴛鴦湯 - 招牌重慶辣湯(BB辣)跟椰香海底椰雞想食麻辣之餘，又不想全辣😁食物方面，除左有兩個雪櫃既食物比自己夾之外，亦直接寫紙同店員落單，當中，點菜紙上有最鍾意既肥牛=)另外不錯的有 沙白 、 串串泡椒牛 、 萵筍👍貢丸也不錯，挺爽口彈牙=)而其中，值得讚既係佢部分食物係一串串咁串好左，放係火鍋滾完，唔會搵唔返😂(有時放完會唔知去左邊，可能比同枱既人靜靜咁食左？😎)最尾，食飽飽再整返兩個豆腐花 - 滿足😆總結: 食落方便，價錢便宜，值得一試😁

行街行到肚仔餓、朋友又想打下邊爐又想食串燒，行左入一間串串燒既打邊爐，一舉兩得。串串鍋有六款湯底揀（招牌重慶麻辣湯鍋、藥膳胡椒豬肚湯、韓式部隊鍋、椰香海底椰雞鍋、祕制沙嗲湯、壽喜燒鍋）揀左個壽喜燒鍋湯底，店員都好快上左湯底同開爐了。湯底有牛肉、胡蘿蔔、娃娃菜醬油湯底。飲品區種類都幾多，有幾款特別既野飲串串鍋店都有、款式林林總總呢。醬料區都有醬油、花生、蒜末、蔥花、辣椒自助服務。串串既款式都有肉類、菜類、即食麵區。特別介紹有個麻吉燒，原來要放入爐煮一陣先可以食呢，味道好粘口，中間係花生餡。仲有女生最愛既雪糕區，亦有四款揀（紫芋、雲呢拿、朱古力丶芒果、韓式冰條），阿波羅口味的。

$88起食串串鍋,真係無眼花!!!!!!!!!!!!!! 仲要生日有優惠買4送1 !!學生再減10蚊~!源自重慶的任飲任食串串鍋，食物以竹籤串好，再放入湯底中烚熟食材包括肉類、海鮮、蔬菜等，湯底則可選重慶麻辣鍋、花膠木瓜蟲草花雞湯鍋、芫茜皮蛋鍋、胡椒酸菜豬肚鍋。選好湯底,9成食材全自助任夾,放左幾個雪櫃在自助區 大部份食材已經用竹枝串好直接原串放入湯底燙熟就食得 牛肉片豚肉片先要經店員即點即切拎出黎 其他蔬菜肉燒都係自己夾返去食就得 仲有雪糕同雪條任食 當然仲有十幾款飲品任飲個湯底又香又辣 配埋唔同食材好滋味 湯底係幾出色,夠濃夠香, 食材亦唔差平均消費$120評分8/10旺角西洋菜南街1A-1K百寶利商業中心5樓

好耐之前就興左排串串系列吸納左大陸的飲食文化，串串燒、串串鍋既方式烹調所以專登約左朋友上來試呢間放題式的串串鍋醬料種類也不輸蝕，俾你慢慢去調味好多人都講串串鍋同打邊爐一樣，都係用個鍋去煮熟D野但我真心想講，風味呢家野真係好重要件件都串起好，唔洗起個鍋裡面用筷子夾黎夾去，一拎起就食到食完仲放起竹筒出去行左轉，D野食種類都好多麵類、菜類、丸類、甜品類都應有盡有D食材配搭都唔錯豬腩肉片捲韭菜、新鮮的魷魚、牛肉捲金針菇、豆卜我最初以為係雪米磁，點知原來係放入湯底煮的芝麻湯圓好食到不得了，個皮厚左先耐得高溫，起個碗度慢慢煮可以憑紙任點的肥牛、腩片D厚度會闊D，所以一煮熟後，D肉較紮實同埋牛肉會較重阿波蘿系列，布甸、杯裝雪糕都好吸引

都有一段時間冇打邊爐，仲好掛住大陸嘅麻辣燙～同舊同事好耐冇見，決定約下旺角食飯，就順手係openrice搵一間打邊爐嘅餐廳～見到呢間串串鍋幾抵食都係$158/位，平過外面d打邊爐任食好多～於是試下～一上到去都唔洗等位，太開心啦！湯底有好多選擇，我同事唔食得太辣，於是我地選擇咗藥膳胡椒魚肚湯，又真係幾香魚味～有淡淡的胡椒香味仲好暖胃肉類魚類同部分嘅素菜可以係紙度tick，其他大部分都係自助，係外面拎～好方便，牛肉嘅種類都幾多，有安格斯肥牛，香菜牛肉，泡椒牛肉等，種類都幾豐富～到醬油bar，都好多選擇，有唔同嘅辣椒選擇，都好方便可以隨時行過去任加！呢度係自助區，d選擇又係好多，有唔同嘅丸類，西蘭花，午餐肉，響鈴，牛柏葉，蔥，魚蛋，廚師腸，雞翼，好多款蔬菜等等，眼花繚亂～麵類就有公仔麵多款，烏冬，粉絲等等，獨立包裝好衛生～呢個就係安格斯肥牛，偏肥少少，食落都有牛味，都唔錯～其他火鍋料都好新鮮～我個人好中意食蓮藕同窩筍，瘋狂叫咗幾轉，廚房出食物的速度都好快～呢d就係特別嘅串串鍋食物，就咁放落去鍋，之後拎起就可以食，都幾方便～呢個無敵大蟹柳都幾好味～忍唔住再拎咗好多丸同腸仔豆腐～哈哈哈飲品櫃都有

邊個話百寶利剩係可以買鞋？意外發現隱世又平民既火煱店！無錯，就係FUN FUN串串鍋🤣🤣————————————————————————明碼實價，仲有好多優惠添🥳————————————————————————六種湯底俾你揀🤙🏻🤙🏻🤙🏻🤙🏻————————————————————————想話咁平係咪無好野？睇相就見到野食款式包羅萬有，真係稱得上花多眼亂，都唔知揀邊樣好🤣另外連野飲都超過10種以上，佢仲有啤酒飲架🍻值得一提係，呢度所有野都好簡潔，擺設分明，喺入面食野有一種好好既舒適感🥰————————————————————————今次揀左佢既藥膳胡椒魚肚湯，胡椒味濃郁，食到個人興恰恰🔥入面既魚肚真材實料，絕對唔係豬皮😂頭轉揀左少少野食，食材新鮮，質素都唔錯呀👍🏻————————————————————————嘩！佢個雪糕櫃，搵到好多兒時必食既雪糕😱最值得推介就係呢條牛奶布丁，真係唔識形容，你地快啲去試🤣🤣🤣————————————————————————價錢公道，食物質素有水準👍🏻更值得一讚既係，入面既老細會同你講下野，問下你啲野好唔好食，剩係有heart呢點都加哂分啦！下次一定會再返

走過百寶利商業中心咁啱見到竟然有$88串串鍋任食放題！咁抵食一定要上快去試一試！上到去既時間已經坐滿晒人,相當熱鬧,好彩等左一陣就有位入去開餐.湯底有6款可以選擇,亦都可以選擇鴛鴦湯底.今次就揀左招牌重慶麻辣湯鍋及椰香海底椰雞鍋.麻辣湯底充滿紅油而且充滿辣椒及香料.椰香海底椰雞鍋帶住幾香既椰味,雞湯味較淡被椰味蓋過.放題主要以外面雪櫃自取食材,大部份以丸類及蔬菜類為主.當中最吸引既當然係特長蟹柳！一條蟹柳足前臂咁長,口感又唔會好粉.另外最驚喜係黑芝麻麻吉燒！平時係放題店好少見既甜麻吉燒竟然有！仲要係台灣製造,麻吉燒外層既湯圓皮都係黑芝麻,入口Q韌而且吸晒火鍋湯既精華！內裏又帶濃香又滑既黑芝麻蓉,香甜又帶有黑芝麻甘香.除左外面雪櫃外,餐廳亦另有紙仔可以填寫其他款食既食品.安格斯午肉相當新鮮而且色澤紅潤又帶有光澤.入口唔會毫無口感,帶有嚼勁.食完火鍋後亦有甜品可以繼續食！外面甜品雪櫃有幾款雪糕及豆腐花揀.

太耐冇同家姐撐枱腳，襯住拎左消費劵就約家姐食個飯行街消費下🥳 最後決定留番啲彈藥shopping，揀左間平平地任食串串火鍋試下餐廳範圍唔算好大，目測大約容納到40人左右。同一般放題火鍋一樣，飲品甜品同部分配料需要出去拎，食物有2個櫃, 主要係蔬菜 / 丸類 / 內臟/麵食等等, 整體都乾淨企理,.而有部分配料例如鮮肉, 海鮮等等 則要寫紙仔落單, 重口味我地揀嘅鍋底係重慶麻辣湯鍋, 湯鍋裡面冇任何配料，所以我地就order 左鴨血令個湯鍋圓滿D冇特別揀辣度情況下辣度唔算辣，所以都另外去醬汁區加左辣油。餐廳自制辣油有種特別香氣， 好加分。配料方面, 需要一讚嘅係另外就係安格斯肥牛, 一般係放題店對於牛嘅要求都唔會太高, 呢個牛比得上一般2百中以上放題嘅牛, 牛味夠濃, 但每份嘅份量其實呂多, 所以我地都Encore左3次.兩姊妹都係芫茜愛好者, 見到串串芫茜牛, 二話不說就Order黎試下, 串串芫茜牛細細舊一口一塊, 餐廳嘅自制嘅辣椒油同芫茜牛係絕配，又係無限Encore嘅其中一款嘅配料. 整體黎講，2百蚊樓下嘅火鍋依家都已經唔多，配料份量同質素都交到功課之餘，仲有D配料比到驚喜。我覺