Video
Read full review
2019-08-20
17 views
今日約咗麻甩系朋友食飯，所以特登揀咗食串燒啤一啤佢。知道白布街呢一頭有好幾間串燒店，就過咗嚟呢一頭搵食。重口味嘅代表當然唔少得韭菜。韭菜燒得啱啱好，配合小辣嘅調味粉，再加少少孜然粉，相當惹味。幾鍾意呢一個推介嘅日式煉奶燒麻薯。煙煙韌韌嘅麻薯，加上煉奶同埋花生碎，識落好夾，平時比較少食到。冬菇鹹蛋黃臘腸竹筒飯係餐廳嘅推介。$46來講唔算太抵，食落都香，但係鹹蛋味可以再出少少。芝心丸同埋墨魚丸就不過不失啦。$35嘅牛脷唔算抵食，但作為食串燒嘅必食都要一試。金菇肥牛卷配上日式燒汁好好食。金菇大大扎，肥牛唔算太油膩個人覺得燒菠蘿可以再烤焦少少。三色雞翼有蜜糖，蒜頭，同埋黑椒味。火候控制得啱啱好，裏面保留左肉汁，一啲都唔乾。食到最尾有驚喜，食串燒就最怕熱氣，當我仲同朋友諗緊陣間食咩甜品降下火嘅時候，店員就為我地送上左呢個透心涼嘅桃膠糖水。非常足料，都唔會太甜。重要嘅係通風做得好好，食完都唔覺得自己一身油煙味，作為小潔癖嘅我，覺得呢點值得一讚。
重口味嘅代表當然唔少得韭菜。韭菜燒得啱啱好，配合小辣嘅調味粉，再加少少孜然粉，相當惹味。
幾鍾意呢一個推介嘅日式煉奶燒麻薯。煙煙韌韌嘅麻薯，加上煉奶同埋花生碎，識落好夾，平時比較少食到。
冬菇鹹蛋黃臘腸竹筒飯係餐廳嘅推介。$46來講唔算太抵，食落都香，但係鹹蛋味可以再出少少。
芝心丸同埋墨魚丸就不過不失啦。
$35嘅牛脷唔算抵食，但作為食串燒嘅必食都要一試。
金菇肥牛卷配上日式燒汁好好食。金菇大大扎，肥牛唔算太油膩
個人覺得燒菠蘿可以再烤焦少少。
三色雞翼有蜜糖，蒜頭，同埋黑椒味。火候控制得啱啱好，裏面保留左肉汁，一啲都唔乾。
食到最尾有驚喜，食串燒就最怕熱氣，當我仲同朋友諗緊陣間食咩甜品降下火嘅時候，店員就為我地送上左呢個透心涼嘅桃膠糖水。非常足料，都唔會太甜。
重要嘅係通風做得好好，食完都唔覺得自己一身油煙味，作為小潔癖嘅我，覺得呢點值得一讚。
Post
