燒烤堂

Open Now

Now Closed

燒烤堂⭐️鹽燒三黃雞腿肉⭐️雞肉軟骨棒（付月見）⭐️汁燒免治雞肉軟骨釀冬菇⭐️三黃雞全翼⭐️牛舌芯⭐️鹽燒豚肉荔枝卷⭐️雞皮墨魚滑⭐️蒜蓉燒蠔（兩隻）⭐️焦糖青蘋果鵝肝多士⭐️豚肉節瓜波板糖⭐️香草蒜蓉包⭐️明太子淮山燒⭐️芝士年糕燒烤堂一直都係同朋友gathering嘅最愛。今次點左超過20款嘢食，每個人都食到勁飽咁走。最好食嘅一定係焦糖青蘋果鵝肝多士，鵝肝嘅油脂超級豐厚，配上青蘋果可以中和返個油膩感同時食到油脂香，加上烘到香脆嘅多士，一啖咬落去滿足感十足。另外我都好鍾意佢嘅鹽燒豚肉荔枝卷，香甜嘅荔枝配上燒到有少少脆嘅豚肉片，可以感受到荔枝嘅多汁同豚肉嘅香脆，推薦！芝士年糕今次第一次食，朋友話覺得佢哋買嘅呢隻牌子好好味、次次都叫，我都覺得有啲驚喜。年糕嘅表層會硬少少，但係入面係流心嘅芝士，加上少少煉奶，呢個Combination一定好食。