串燒兄妹 (華景大廈)

Open Now

Now Closed

收工經開呢頭，見到店牌好光猛，原來係新開既串燒店，正！個名幾有趣，叫串燒兄妹，睇下餐牌又好抵食喎，決定一試🍢💥$100/有10串，任揀肉類、蔬菜類、丸/腸類、海鮮都有得揀，啱哂鍾意食肉嘅我。😋今次叫咗羊肉、大蝦、鴨舌2串、雞腳筋、雞軟骨、秋葵，追加左個廚師推介既燒白蟮試試。🐐羊肉串燒到表層有啲焦香，keep到肉質仲好軟好嫩，羊脂都燒得啱啱好，唔會成塊脂肪未溶咁🦐大蝦蝦殼燒得非常焦香，肉質仍保住鮮甜，燒蝦一向唔會錯既選擇👍🦆鴨舌口感幾得意，唔似平時食開既涼拌鴨舌，原來燒出黎鴨味都幾香，啲軟骨口感都唔錯。🐤雞腳筋醬汁都好夠味，腳筋燒到表層有啲焦香，軟骨口感爽脆，食落仲咯咯聲🤭🐥雞軟骨都幾好味，好香脆，醬汁好入味，又係咯咯聲系列✅️🐟燒白蟮呢個處理得令我有驚喜😍白蟮表皮燒得好口煙韌但唔乾，下面嘅肉仲係好多汁嫩滑，食得出係鮮甜👍👍👍🥒燒秋葵估唔到外表望落乾爽，內裏都仲鮮嫩有汁，味道清甜，好適合清一清味蕾繼續食😆原來佢地可以whatsapp/打電話黎 預早落單，咁就唔洗等，不過等都係10分鐘內既事，下次有機會黎堂食，叫埋佢哋既豆卜粉絲花甲小鍋試下先🐚如果你鍾意串燒，就唔好錯過串燒兄妹啦！