Video
Read full review
2008-08-01
31 views
話時話師傅喺呢區企左咁耐, 都從來未黎過呢間食店, 撞啱前晚好鬼死夜都未食晚飯, 但係呢區好多食店都收晒工, 去到食店門口覺得好似幾抵食咁, 就入去試一試啦!入到去水靜河非, 如果唔係咁夜, 師傅真係以為係黑店; 一坐底二話不說即刻柯打左個鐵板餐, 要左黑椒雞扒跟飯, 有餐湯同餐飲; 餐湯寫住係羅宋湯, 而餐飲就揀左凍檸檬茶!等左一陣餐湯先到, 一望之下發一現唔係羅宋湯, 而係節瓜煲豬骨湯, 無啦啦由西變中, 仲要冇單聲, 有點過份; 但當師傅望下個鐘就覺得情有可原, 皆因大鐘接近十二點喇, 冇都好正常啦! 中湯都唔錯, 味道唔濃唔覺有味精, 加上湯料幾足, 係淡口少少, 師傅懷疑溝左少少水呀; 飲晒個湯, 鐵板黑椒雞扒登場, 先講下賣相, 真係唔錯幾吸引呀, 再望下個飯, 原來係炒飯呀, 師傅起初仲以為係白飯呀, 好正咁喎!鐵板黑椒雞扒熱辣辣, 雞扒夠鬆夠滑, 皮脆肉香, 加埋黑椒汁又辣又香, 好正; 而炒飯亦炒得好乾身, 有好爽口嘅感覺, 正呀; 反而凍檸茶就冇咩特別, 普普通通啦; 不過值得一提係檸檬好似唔多乾淨咁, 皆因檸檬面上嘅貼紙冇清除, 好似冇洗過咁, 亦令師傅忽然想起師
入到去水靜河非, 如果唔係咁夜, 師傅真係以為係黑店; 一坐底二話不說即刻柯打左個鐵板餐, 要左黑椒雞扒跟飯, 有餐湯同餐飲; 餐湯寫住係羅宋湯, 而餐飲就揀左凍檸檬茶!
等左一陣餐湯先到, 一望之下發一現唔係羅宋湯, 而係節瓜煲豬骨湯, 無啦啦由西變中, 仲要冇單聲, 有點過份; 但當師傅望下個鐘就覺得情有可原, 皆因大鐘接近十二點喇, 冇都好正常啦! 中湯都唔錯, 味道唔濃唔覺有味精, 加上湯料幾足, 係淡口少少, 師傅懷疑溝左少少水呀; 飲晒個湯, 鐵板黑椒雞扒登場, 先講下賣相, 真係唔錯幾吸引呀, 再望下個飯, 原來係炒飯呀, 師傅起初仲以為係白飯呀, 好正咁喎!
鐵板黑椒雞扒熱辣辣, 雞扒夠鬆夠滑, 皮脆肉香, 加埋黑椒汁又辣又香, 好正; 而炒飯亦炒得好乾身, 有好爽口嘅感覺, 正呀; 反而凍檸茶就冇咩特別, 普普通通啦; 不過值得一提係檸檬好似唔多乾淨咁, 皆因檸檬面上嘅貼紙冇清除, 好似冇洗過咁, 亦令師傅忽然想起師公成日話出面飲檸檬茶係最笨, 最唔衛生喎!
總括黎講食物質素令人滿意, 環境真係普通, 服務亦可, 而價錢就相當抵食, 一個咁樣嘅鐵板晚餐都係三十八, 加兩兜凍飲, 埋單四草野, 仲想點? 有湯有炒飯有茶, 絕對抵食; 師傅相信有機會再黎, 皆因質素唔差, 平心而論呢個晚餐係師傅近期最滿意嘅一個, 所以笑臉值得一比! 邊吃邊看住星爺嘅唐伯虎點秋香, 確實令食慾大增!
Post
