Video
Read full review
2021-05-16
48 views
又到搵食時間，剛巧經過呢間餐廳，見到門口櫥窗好有外國feel，好寫意。餐牌d嘢都ok，所以就同老公入左去。小店裝修以木為主，裡面就係“木船”嘅環境。木頭上滿佈唔同嘅色彩，好colorful，牆身仲有一幅手膾得意嘅卡通畫。另外一d角落同掛畫，就係佢哋嘅店名 “木船”為主題。睇到餐牌價錢就覺得好抵食，呢度以定食為主，每個餐都會跟有一個湯，三小食，一個主食同埋飲品。三小食分別係雞卷，雞蛋沙律同埋朱古力麻糬。雞蛋沙律埋啲沙律醬，甜甜地。雞卷入口仲係熱嘅，鹹鹹地。朱古力麻薯，唔太甜，都幾好。我叫左個招牌燒豚肉飯，上面全部鋪滿青木瓜絲，個樣好吸引。青木瓜絲爽口，帶微酸同微辣，仲夾住左一d芝麻，好香。燒豚肉厚薄適中，豬味濃，燒過嘅豚肉好香，咬落去肉汁滲出黎。食到中間先知道原來仲有隻溫泉蛋，真係有啲驚喜。唔好睇少呢度d飯，無論豚肉同飯都好多。呢個餐跟咗冬陰功湯，味道酸酸，食唔到辣嘅人就會覺得比較辣。老公就叫左個餐係汁燒安格斯牛肉飯配溫泉蛋，安格斯牛肉切得薄薄，塊牛肉吸曬啲汁，覺得有啲似牛肉乾味道，入口每啖都充滿燒汁。溫泉蛋亦煮得剛剛好，蛋汁流曬落去飯嗰度，好好食。呢個餐就跟咗肉丸扎肉雞湯，個湯味道清淡
小店裝修以木為主，裡面就係“木船”嘅環境。木頭上滿佈唔同嘅色彩，好colorful，牆身仲有一幅手膾得意嘅卡通畫。另外一d角落同掛畫，就係佢哋嘅店名 “木船”為主題。
睇到餐牌價錢就覺得好抵食，呢度以定食為主，每個餐都會跟有一個湯，三小食，一個主食同埋飲品。
三小食分別係雞卷，雞蛋沙律同埋朱古力麻糬。雞蛋沙律埋啲沙律醬，甜甜地。雞卷入口仲係熱嘅，鹹鹹地。朱古力麻薯，唔太甜，都幾好。
我叫左個招牌燒豚肉飯，上面全部鋪滿青木瓜絲，個樣好吸引。青木瓜絲爽口，帶微酸同微辣，仲夾住左一d芝麻，好香。燒豚肉厚薄適中，豬味濃，燒過嘅豚肉好香，咬落去肉汁滲出黎。食到中間先知道原來仲有隻溫泉蛋，真係有啲驚喜。唔好睇少呢度d飯，無論豚肉同飯都好多。呢個餐跟咗冬陰功湯，味道酸酸，食唔到辣嘅人就會覺得比較辣。
老公就叫左個餐係汁燒安格斯牛肉飯配溫泉蛋，安格斯牛肉切得薄薄，塊牛肉吸曬啲汁，覺得有啲似牛肉乾味道，入口每啖都充滿燒汁。溫泉蛋亦煮得剛剛好，蛋汁流曬落去飯嗰度，好好食。呢個餐就跟咗肉丸扎肉雞湯，個湯味道清淡， 肉丸味濃，清清地幾好。
呢d咁熱嘅天氣，緊係要叫凍飲。我哋叫左兩杯凍泰式奶茶，呢個係泰國茶膽，奶味濃，入口比較滑，仲好冰凍，即時解hot。
Post
