圓鐵板燒 (Closed)

同女朋友去到moko food court，見到個度有間鐵板燒有做下午茶餐，＄４０幾蚊就食到鐵板燒，仲跟埋炒時菜，白飯同餐湯，決定入去試一試！下午茶都有師傳係我地面前即炒，賞心悅目！我地叫左一個鐵板牛肉餐（＄４２）一個香煎龍脷魚餐（＄４３）一開始師傳先炒油麥菜，香口得黎煮得岩岩好，仲好爽脆~鐵板牛肉餐有燒汁，送飯一流香煎龍脷魚個魚肉就一般般，肉質唔夠結實，不過佢有整一個蒜蓉牛油汁，令味道豐富Ｄ湯就係昆布麵豉湯～味道正常，不過呢個價錢，有師傅係你面前煮比你食，包埋飯，湯同菜，仲想點喎！我地兩個好滿意而且食到好飽～好抵食，同埋糧尾之選！