亞坤 (Closed)

空肚出街既我，約左朋友出尖沙咀，第一時間拉左朋友去食亞坤，懷緬下新加坡既風味。係地鐵站p3出口行過2條街就到，十分就腳。見到餐牌有好多野都想食，於是我地三個人嗌左2個套餐:叻沙&椰漿飯，1個單點主食:咖哩雞飯share食。套餐會配咖椰牛油吐司同傳統咖啡/奶茶。食物好快上齊，但都唔係好夠熱。我每樣都試左d，叻沙d粉同我新加坡食過既唔同，硬身d。椰漿飯就不過不失，但d雞係凍既。咖哩雞好椰味，朋友同我都覺得咖哩雞最好味。奶茶就無咩茶味，個人覺得普通茶餐廳飲到既奶茶仲好飲。吐司唔知係咪最後食，凍左不過都夠脆。總結:不過不失既一餐，食物質素可以改善，但價錢就真係好抵，套餐$42-$64，可以食到好飽。