御前牛盛日式涮涮鍋 (Closed)

同朋友約左去食打邊爐，一去到就可以入座。店鋪裝修四四方方好簡約，卡位夠闊落可以擺到好多野食，四個人坐都唔會逼。點餐紙有成十張有餘，出面仲有好多唔同熱食、冷盆、雪糕同丸類比你自己出去夾。有唔同嘅醬係台面比你自己揀。有辣醬、麻醬、指天椒、芫茜、蔥花、醬油汁、蒜泥汁。如果揀麻辣湯底嘅就咁調個鼓油加蔥花就夠，可以食到麻辣湯底嘅原汁原味。麻辣鍋有花椒、八角、辣椒乾等等唔同嘅辣椒，中辣就岩曬無辣不歡嘅我。出面嘅冷盤有煙三文魚沙律、泰式辣鳳爪、螺肉、壽司等等。煙三文魚沙律入面有番茄、煙三文魚、生菜等等，全部都好新鮮，食落索索聲，三文魚又好足料，切得好大舊。泰式鳳爪爽口彈牙，個汁酸酸甜甜好開胃。涮羊肉片係火鍋必備，羊肉切得又簿又靚，涮幾秒已經可以即刻拎上黎。涮完雖然縮左水，但羊肉味又重又香，加埋索左湯底嘅辣令到羊肉嘅so味減小左好多。打邊爐更加唔少得牛肉同菜類，牛肉紅卜卜好似係到呼喚緊我咁。牛肉一淥就食得，點鼓油入口，辣中帶小小鹹，好好食。啲菜要一早落煲到，可以索曬啲湯嘅味，辣得黎又好過癮，好好食，蔬菜全部都好新鮮。除左菜類同肉類，仲有唔小海鮮類可以揀。貝殼類、蝦、八爪魚、魷魚等等。貝殼類入口無沙好鮮