PizzaExpress (V City) (Closed)

幾個屯門友聚埋食lunch，想坐得舒服，就去VCITY 揀餐廳，見Pizza Express環境唔錯，又冇乜人，就入去一試！5個人叫咗個4人餐，小食揀咗蒜蓉包同肉丸，份量小小，味道清淡，作為開胃小食恰如其分。之後到雞肉凱撒沙律同肉醬長通粉，味道...都係偏淡😅最後到主角，大大份嘅辣味薄餅，青辣椒真係有d辣，反而辣肉腸唔辣，汁係茄汁，不過夾住食都幾惹味！跟餐有兩個薄餅，另外揀咗個皇后薄餅，味道不過不失。整體嚟講，呢個4人餐算抵食，餐茶+$10轉凍檸茶仲可以無限添飲，不過食物味道偏淡，我自己就覺得ok，重口味嘅朋友就唔太啱！