加藤屋 (元州街) (Closed)

宜家喺香港食日式牛嘅店鋪真係冇咩選擇 ，有時都想食日式牛肉火鍋同埋牛肉飯一直都知道加藤屋係一間有良心嘅店舖，而且價錢都相當大眾化，咁岩經過當然去試吓啦我叫咗一個牛肉鍋物配飯再加炸雞先講個炸雞，香酥脆，正，係一個好好嘅前菜， 而且真係唔貴牛肉火鍋呢，第一眼見到，就覺得佢好足料，有肉有豆腐有菜有配料，而且仲有好香濃嘅壽喜燒香味如我所料，湯底好好味，牛肉亦都對得住佢依個價錢，幾十蚊你都唔會預計自己會食到一個和牛質素嘅牛肉啦，但係佢至少唔係得個肥字嘅肥牛，有肉香，其他配料都好新鮮，成個配搭都好清新，對於我大食嘅我來講，呢一個餐都真係幾飽，而且價錢都好抵，當然最緊要係老闆有良心啦！牛肉飯我就冇試啦，但我相信都應該幾好食，起碼唔使再去啲咩大連鎖店先啦！