神燈燒 (Closed)

昨天中午食飯行過油麻地新開這間神燈燒，專門外員工親切地解釋每個套餐，於是我同同事決定入去試一試，行落地庫見到環境好特別乾淨企理，地方寬躺、員工再提我解釋多一次套餐，原來佢中午每天都有不同的特價套餐，同埋可以食即炸天婦羅，魚湯及沙律，我哋叫咗一個花膠鮑魚烏冬同埋三色魚生當，首先我哋攞咗個魚湯飲裏面有紅蘿蔔同埋白蘿蔔非常鮮甜，跟住攞咗個沙律，我選擇左菠蘿蕃茄仔粟米同雜菜非常新鮮好味，跟住攞咗員工即炸嘅南瓜，翠玉瓜同辣椒非常Juice，跟住到主菜，三色魚生當一般般，冇驚喜，加上可能啲飯比較硬，可能Wasabi我落得太多濁親，係咁咳，店舖的經理好體貼地攞咗杯水俾我，值得嘉許，跟住個花膠鮑魚烏冬，真係又驚喜又好味，材料十足，味道非常鮮甜，仲係用日本烏冬，樣樣嘢都新鮮熱辣，原來仲跟杯嘢飲，埋單消費仲唔使加一，$138，超級抵食😙😙仲見到隔離枱食任食嘅燒烤，所以我哋下次決定去試一試😂😂