康源車仔麵

Open Now

Now Closed

下午茶時間路經呢間小小麵店 (康源車仔麵)，就同友人入去食個車仔麵～免得要等到夜晚嘅飯局驚餓暈….店面細細，乾淨企理，大約容納到6-8位客人左右，只有一位姐姐煮麵執枱一腳踢。望望個餐牌，一般車仔麵有嘅餸呢到都有～而且價錢平民～最少兩餸一麵，最低消費$20～堪稱糧尾恩物～叫咗兩碗車仔麵—沙爹魷魚、墨丸、貢丸、龍蝦丸、牛柏葉、加幼麵 ＆ 芝士腸、菜肉雲吞、龍蝦丸、菜心、辛辣拉麵～ 芬達、可樂 $8一罐。車仔麵嘅餸新鮮，口感彈牙～尤其魷魚、牛柏葉非常爽口～而沙爹醬味道濃郁～令到成碗麵有少少辣口，相當惹味～～食咗咁多，最後都只係盛惠$90有找～～大家路經呢頭，行過路過，唔好錯過呀～～～～～