炯記手撕雞 (汝州街) (Closed)

話說同朋友夜遊深水埗，經過見到呢間寫住「手撕雞」嘅小店，大家都有興趣，一於坐低試試。我同朋友都比個二人套餐吸引住，但除咗套餐都仲有好多其他散叫選擇▶️鹽焗手撕雞 (半隻) - 半隻嘅份量已經不得了，真係食雞都食飽！雞肉好嫩滑，亦充滿鹹香味，灑上滿滿嘅芝麻真係食唔停口▶️冬菇醬皇豬手 - 炆得夠入味，亦充滿骨膠原，男女都不能錯過▶️麻辣雞腎 - 爽口彈牙，嗜辣嘅朋友不能錯過▶️酸辣雲耳 - 口感嫩滑，配合酸辣味道，特別惹味▶️鵝油撈麵 - 陣陣鵝油香，而麵條亦算爽口▶️郊外油菜 - 正正常常▶️是日例湯 - 雖然係例湯，但一啲都唔hea，仲有少少老火湯嘅味道▶️跟餐飲品 - 包冷熱飲品 / 特飲 總結：抵食二人套餐，食物份量足夠，店員亦招呼週到