616牛肉火鍋專門店 (馬鞍山中心)

Open Now

Now Closed

🇭🇰Hong KongAverage price po: HKD$350-400+📍Address: 616牛肉火鍋專門店, Ma On Shan上次同朋友食616，已經係佢哋移民去加拿大之前，今次再食突然有少少掛住呢班友仔👯‍♀️，不過616牛肉一向高質，提供牛嘅唔同刁鑽部位，有來自唔同產地嘅牛肉，例如加拿大、澳洲、英國以及蘇格蘭等等。今次試咗佢哋嘅二人套餐，非常抵食。分別有牛骨清湯底、不同牛肉拼盤(橫膈肌、五花趾、牛駝峰、匙柄）、熟成加拿大牛脊背、蔬菜籃（娃娃菜、金菇、蜂巢豆腐、芋絲）、炸魚皮同埋稻庭烏冬、公仔麵、飲品。飲品我哋就揀咗菊花桂圓露、烏梅汁，清爽解膩。牛肉非常高質，講一講唔同部位先。橫膈肌係每個牛最罕有嘅部位，每一隻只係得兩塊，牛味最濃郁！五花趾係牛後腿肌腱最中心部位，筋部比例較多，肉質比較爽口彈牙。牛駝峰係牛後端頸背，油脂分布比較平均，入口嘅牛味都幾香。匙柄嘅肉質比較軟腍，屬於牛下肩胛肉。個人特別喜歡熟成加拿大牛脊背，呈現大理石油脂花紋，通過21天熟成處理，牛肉質感柔靭適中，牛味比一般更加香濃。