羅麥記 (荃新天地) (Closed)

諗起第一次食羅麥記就係係屯門V-CITY岩岩起好無耐果陣。當時第一次食就食左佢既招牌蝦多士﹑磚頭焗豬扒飯,味道各方面都唔錯。今日行街見到荃新天地地下有一間,同老公決定係到食晚飯。今日推介既係佢抵食既晚餐小菜-二人套餐。$188 就可以任選A及B各兩款(選邊一款都唔洗補錢) ,加$28又多一碟菜,份量都大嫁。又唔洗加一。不過同老公覺得個份量可以係一家三口食。小菜:1)口水雞 2)菠蘿京都豬排小菜睇色水兩個都滿分,味道都係高分,意想唔到口水雞既辣係咁正,咁嗆辣,肉夠滑溜。京都豬排,塊塊都長條形一大塊,應該超過成10塊,你話我地2個點會唔飽,點會話個餐岩一家三口,送飯一流。小食: 1)蝦多熱辣辣送上檯,咬落去士脆卜卜,上面擺滿蝦肉,下面係多士,非常香口。2)避風塘雞翼,香脆內嫩,避風塘味道黎自表面既調味。後記:好喜歡佢所有港式飲品,當中真係好鍾意佢既紅豆粒粒奶茶,味道好濃之餘,真係好茶記。但呢到係一間現代感十分既茶記,睇佢MENU同裝潢就知道。羅麥記地址:荃灣楊屋道1號荃新天地一期地下G23號舖營業時間: 星期一至日08:00 - 22:15