Video
Read full review
2018-08-04
82 views
呢間位於旺角窩打老道嘅【九龍維景酒店】， 400蚊就有海膽、鵝肝、燕窩自助晚餐， 價錢非常之優惠， 難怪吸引到唔少本地客或遊客幫襯。 上星期有內地親戚探訪， 就同佢哋去呢間酒店食自助餐，行完街街再食嘢，超方便。 食之前最好先訂座，咁就萬無一失啦~晚市buffet由六點半開始， 一開始緊係食冷盤啦。 呢度嘅刺身採用自取形式， 自己食幾多攞幾多。 我最鍾意原條嘅油甘魚刺身， 肉質紅潤， 而且肉質軟身，入口滑溜柔軟， 味道肥美，入口化油。另外北寄貝刺身同樣鮮甜， 肉質彈牙爽口。另外每位顧客都可以享有一人一份的海膽刺身。 海膽刺身色澤金黃，一睇已經知道新鮮，味道甘甜，質感細膩，入口即溶。當品嚐過第一口之後，你可以發現海膽的那份獨特甘香， 用紫菜包住來吃， 一啖一口，爽~海鮮冷盤方面雖然沒有生蠔，但卻有我愛，無比鮮甜的阿拉斯加長腳蟹腳。 一梳梳的長腳蟹肉甜美多汁，而且帶有微微海水鹹鮮。 另外翡翠螺亦不容忽視，大大粒，質感彈牙， 味道爽甜，同樣係鮮味十足。熱食方面，我推介呢度嘅香煎鵝肝同埋鐵板燒羊鞍。 鵝肝油分充足，味道甘香。 大廚現場即叫即煎，保證鵝肝外脆內軟，淋上一抹甜醋汁， 既可以中和鵝肝的
晚市buffet由六點半開始， 一開始緊係食冷盤啦。 呢度嘅刺身採用自取形式， 自己食幾多攞幾多。 我最鍾意原條嘅油甘魚刺身， 肉質紅潤， 而且肉質軟身，入口滑溜柔軟， 味道肥美，入口化油。另外北寄貝刺身同樣鮮甜， 肉質彈牙爽口。
另外每位顧客都可以享有一人一份的海膽刺身。 海膽刺身色澤金黃，一睇已經知道新鮮，味道甘甜，質感細膩，入口即溶。當品嚐過第一口之後，你可以發現海膽的那份獨特甘香， 用紫菜包住來吃， 一啖一口，爽~
海鮮冷盤方面雖然沒有生蠔，但卻有我愛，無比鮮甜的阿拉斯加長腳蟹腳。 一梳梳的長腳蟹肉甜美多汁，而且帶有微微海水鹹鮮。 另外翡翠螺亦不容忽視，大大粒，質感彈牙， 味道爽甜，同樣係鮮味十足。
熱食方面，我推介呢度嘅香煎鵝肝同埋鐵板燒羊鞍。 鵝肝油分充足，味道甘香。 大廚現場即叫即煎，保證鵝肝外脆內軟，淋上一抹甜醋汁， 既可以中和鵝肝的油膩感，亦令鵝肝的騷香更上一層樓。
至於鐵板燒羊鞍，外脆內軟， 羊鞍肉質嫩滑可口，帶點微微粉紅， 食落juicy多汁。令人一吃再吃，欲罷不能。
另外同樣推介鐵板燒虎蝦， 虎蝦size大大隻，蝦肉彈牙， 蝦頭煎得非常金黃香脆， 而且裏面更有香噴噴的蝦膏。
另外仲有燒牛肉， 薄切燒牛肉保持著粉嫩狀態，牛肉質素高，牛味濃郁，配上芥末以及燒汁，可謂食肉獸至愛。
燕窩系列方面就有燕窩蛋白撻同即製燕窩雙皮奶， 燕窩有美容功效 人所皆知， 燕窩蛋白撻上的燕窩一點也不吝嗇，蛋撻皮夠鬆化， 而且熱辣辣。
燕窩雙皮奶更是全晚甜品的重點，雙皮奶非常之滑溜，而且奶味相當之濃郁， 而且甜度亦調教得相當好，可謂健康又美味。 配埋滋潤嘅燕窩， 無論係美味道抑或係健康道都100分呢～
甜品方便選擇亦非常多， 有自家製作嘅木糠蛋糕、布甸、芝士蛋糕、芒果黑糯米甜品外，仲有無限量供應嘅movenpick雪糕， 雖然味道只有雲呢拿、朱古力、同士多啤梨三款選擇， 但亦同樣滿足。
整體而言， 這家酒店的自助晚餐價錢非常合理，折實每位大約四百蚊左右。每款食物都即時refill， 款式夠多， 最重要嘅係地點方便， 就算係遊客行完街去食晚餐都好方便。環境亦坐得舒適， 最適合一家人或者一大班朋友聚會。
Post
