九份•十分 (河畔花園) (Closed)

呢間餐廳日日都爆滿，lunch time通常都一大堆人喺門口排隊。今日早左放lunch，11點50分衝左黎，唔洗排隊就入到去✌🏻✌🏻✌🏻Lunch set價錢唔貴，仲包飲品，唔錯。紅燒牛肉麵超級香濃，牛肉好腍好入味，好食！蚵仔肉碎泡飯好大碗，泡飯唔會煮得太淋，蚵仔數量都幾多。肉燥飯配上雜錦滷水，一次過滿足幾個願望😌 滷水雞翼同鴨舌都醃得好入味，肉燥亦做得唔錯，唔會過咸，份量亦好大！咖哩吉列魚柳同樣大份到不得了。吉列魚柳炸得好脆，魚柳入面好滑。咖哩如果辣啲會更好！鹽酥雞好脆好好食！仲有一枝枝調味粉，最好食係芝士同原味！今日食完鹽酥雞先發現有呢個溶岩芝士雞🤦🏻‍♀️ 下次要試！！