東哥點心籠仔蒸飯專門店 (Closed)

疫情期間真係好耐冇飲茶食點心，難得搵到一間點心加打邊爐放題，呢晚就同媽媽黎到東哥點心籠仔蒸飯專門店點心加火鍋放題任食兩小時，每位188都幾抵點心款式唔算多，但貴在味道好，再者點心再多都食唔到咁多，因為仲要打邊爐，所以我都冇試哂咁多點心，剩係揀左d好想好想食既！我好鐘意食炸物，所以點左春卷咸水角，一食就知即叫即炸，食落去熱辣辣，任叫既點心係水準依然keep得好好，本身仲想試個擂沙球，但真係太飽叫唔落媽媽就喜歡蒸點心，叫左蝦餃鳳爪，正常質素，蝦餃入面喲蝦肉都大大隻我地打邊爐方便叫左雞煲，因為我地得兩個人所以叫左半隻，如果你食到叫一隻佢都會比D雞件切到好易入口，唔會好多骨碎，我地叫左小辣，好香口，雞好入味但又唔會太咸，食完雞之後會加水比你打邊爐，由海鮮到肉類再到丸都有，估唔到仲有炸饅頭，炸到外層微脆點上煉奶真係一流！雖然呢到主打點心，但肉類既選擇都幾多，牛板腱同肩胛肉都有，仲好有牛味最後用紅棗糕做甜品，食落又彈牙又少少煙un，有好香既紅棗香同少少甜味，唔錯飲品方面有個飲品櫃都係任拎任飲