真味鮮廚 (Closed)

老公下個生日，阿妹好有心，提早請我哋去慶祝，佢book左觀塘真味鮮廚任食任飲海鮮火鍋放題。真味係一間酒樓，地方整潔寬敞。放題分兩種，主要係分肉蟹或波士頓龍蝦海鮮盆，其他任食係一樣。入座後首先食重慶雞鍋，雞件嫩滑，醬汁濃郁，香辣惹味，提提大家雞件係任食嘅！再上刺身拼盤，鮑魚鮮甜彈牙、帆立貝、三文魚、北寄貝、八爪魚和吞拿魚，都好新鮮。湯底三選一，揀咗沙地瓜瑤柱湯鍋，原來沙地瓜即係冬瓜！跟住上係一大盆海鮮拼盤，海鮮係時令，每日唔同。今日新鮮海鮮就有波士頓龍蝦，帆立貝、蟶子王、海蝦、翡翠螺、鰻魚、龍躉、大蜆。海鮮用冰底墊住，保持新鮮。龍蝦肉質彈牙又鮮甜，其餘都好新鮮，鮮味十足。特級安格斯肥牛：油花分布均勻，肉質特別香嫩。巨形水餃皇，真係好大隻，餡料飽滿又足料，內裏鮮蝦木耳好爽口，豬肉鮮甜。以上都是以人頭計一次性的食物，跟住就可以任食餐紙上的火鍋配料，還有收費火鍋配料選擇。黑豚肉鮮嫩，鱔片，鮮蝦滑彈牙，我最鍾意鵝腸、洗得乾淨冇異味，好爽口，鴨血嫩滑有益！