野川拉麵の鮮鍋道場 (Closed)

話說我早排同年邁父母幫襯佢地，未夠個半小時佢地已經有個黑口黑面侍應開始催埋單（但出面根本冇人等！），埋單發覺佢地冇俾長者優惠，咪叫個侍應埋嚟啦，要睇長者卡，好，冇問題，點知一個侍應睇完唔夠，另一個黑口黑面女侍應（應是高級的，又係催埋單嗰個）仲要拿去一旁研究，好巴閉呀！平心而論，有兩個帶眼鏡女侍應是很好的，這個黑口黑面，趕客！講番食材，間野食物都幾新鮮，打邊爐牛同蜆都高水準！三文魚刺身厚切，汽水啤酒種類繁多，環境唔錯，又坐得舒服，咁嘅價錢係好扺！